Adiblar xiyobonida ma’naviy tadbirlar

Poytaxtimizdagi Adiblar xiyobonida O‘zbekiston xalqaro islom akademiyasining bir guruh ustoz va talabalari ishtirokida ma’naviy-ma’rifiy tadbir bo‘lib o‘tdi.

Dastlab Mahmudxo‘ja Behbudiy xaykali poyiga gul qo‘yilib, adib yod etildi. Shundan so‘ng buyuk ajdodimiz Mahmudxo‘ja Behbudiyning ilmiy-ma’naviy merosi, hayoti va ijodi, yosh avlodni asriy qadriyatlarga sodiq, zamon bilan hamnafas, zukko, bilimdon etib tarbiyalashga qaratilgan o‘gitlari tilga olindi.

Uchrashuvda filologiya fanlari bo‘yicha falsafa doktori Dilshodaxon Muminova hamda Akademiya talabasi, Mahmudxo‘ja Behbudiy nomidagi stipendiya sovrindori Anvar Mustafoyevlar adibning hayoti va ijodi haqida o‘z ma’ruzasi bilan qatnashdi

Tadbir yakunida talabalar o‘zlarini qiziqtirgan savollariga ma’ruzachilardan javob olishdi.

O‘zbekiston xalqaro islom akademiyasi

Matbuot xizmati