Talabalar xalqaro sanoat ko‘rgazmasida

Shu kunlarda poytaxtimizda joylashgan “Uzekspomarkaz” milliy ko‘rgazma majmuasida “INNOPROM. Markaziy Osiyo” xalqaro sanoat ko‘rgazmasi o‘tkazilmoqda. Akademiya talabalari guruh murabbiylari hamda o‘qituvchilar hamrohligida ushbu tadbir faoliyati bilan yaqindan tanishishdi.

Islom iqtisodiyoti va xalqaro munosabatlar fakulteti tyutori M.Palvanov, “Zamonaviy axborot-kommunikatsiya texnologiyalari” kafedrasi mudiri Q.Rahmonov, katta o‘qituvchi U.Sodiqov va “Axborot xavfsizligini boshqarish” yo‘nalishi talabalari bilan birgalikda xalqaro sanoat ko‘rgazmasida ishtirok etishdi.

Bu yerda talabalar ko‘plab xalqaro kompaniyalarning faoliyati va mahsulotlari bilan tanishib, soha mutaxassislari bilan bo‘lib o‘tgan muloqotda o‘zlarini qiziqtirgan savollariga javob olishdi.

O‘zbekiston xalqaro islom akademiyasi

Matbuot xizmati