Akademiya o‘qituvchisiga tashakkurnoma topshirildi

O‘zbekiston Respublikasi Ichki ishlar vazirligi tomonidan O‘zbekiston xalqaro islom akademiyasi “Islomshunoslik va islom sivilizatsiyasini o‘rganish ICESCO” kafedrasi dotsenti, yuridik fanlar doktori Nigora Yusupovaga minnatdorlik bildirildi.

Akademiya o‘qituvichi ichki ishlar organlari xodimlari o‘rtasida kitobxonlik madaniyatini rivojlantirish, faol kitobxonlar safini kengaytirish hamda ularning intellektual salohiyatini oshirish, kutubxonalarda madaniyat, dunyoviy va diniy ilm-fan taraqqiyotiga ulkan hissa qo‘shgan ulug‘ ajdodlarimizning noyob asarlarini asrab-avaylash va boyitish ishlarida samarali hamkorlik olib bordi.

Shuningdek, “Kitobsevar millat” shiori ostida o‘tkazilayotgan II Respublika kitobxonlik haftaligi doirasidagi “Islomda gender tenglikning o‘ziga xos tamoyillari” nomli tadbirdagi faol ishtiroki hamda hamkorligi uchun tashakkurnoma topshirildi. 

O‘zbekiston xalqaro islom akademiyasi

Matbuot xizmati