Onlayn seminarda buyuk hanafiy olimlar e’tirof etildi

Onlayn seminarda buyuk hanafiy olimlar e’tirof etildi

O‘zbekiston xalqaro islom akademiyasi huzuridagi Imom Moturidiy xalqaro ilmiy-tadqiqot markazida Anqara universiteti ilohiyot fakulteti dotsenti, doktor Engin Erdem ishtirokida “Yaxshilik va abadiylik: Moturidiy va Dabusiy qarashlarida o‘lim va hayot tushunchasi” mavzusida malaka oshirish dasturi doirasida onlayn seminar bo‘lib o‘tdi.

Islom olamida mo‘tadil ta’limotni keng targ‘ib qilish maqsadida o‘tkazilgan onlayn-ilmiy seminarda Imom Moturidiy xalqaro ilmiy-tadqiqot markazi xodimlari bilan bir qatorda sohaga oid ilmiy izlanishlar olib borayotgan mahalliy va xorijiy tadqiqotchi olimlar va mutaxassislar ishtirok etdi.
Engin Erdem oʻz maʼruzasida ikki buyuk hanafiy olim Imom Moturidiy va Abu Zayd Dabusiylarning diniy nuqtai nazardan hayot va oʻlim haqidagi qarashlari borasida soʻz bordi. Birinchi navbatda Moturidiy va Dabusiyning dalilga asoslangan diniy qarashlarining umumiy mazmuni haqida so‘z yuritdi.

Seminar qatnashchilari anjuman davomida aqidaviy muammolarni hal etishda bu yo‘nalishdagi ikki tomonlama ilmiy hamkorlikni yanada kengaytirish taklifini bildirishdi.

O‘zbekiston xalqaro islom akademiyasi

Matbuot xizmati

 

 


Print   Email