Yaponiyalik olimlar tomonidan yolg‘iz yoki qarovsiz yashaydigan keksalar uchun robotlar ixtiro qilindi

Yaponiyalik olimlar tomonidan yolg‘iz yoki qarovsiz yashaydigan keksalar uchun robotlar ixtiro qilindi

Yaponiyalik olimlar tomonidan yolg‘iz yoki qarovsiz yashaydigan keksalar uchun robotlar ixtiro qilindi, deya xabar bermoqda euronews. sayti.

Xabarda keltirilishicha, Covid-19 epidemiyasi tufayli Yaponiyada yakka yoki qarovsiz uylarda yashovchi ko‘plab keksa aholi oilasi va do‘stlari tomonidan tashrif buyurish imkoniga ega emas. Shunday qilib, shahar ma’muriyati ularga g‘ayrioddiy sherik – PaPeRoni ijaraga olishni tavsiya etmoqda.

– Ertalab uyg‘onganimda, PaPeRo mening yonimda bo‘lsa, suhbatlashishga undaydi, – deydi Fujiyeda shahrida yashovchi Natsume Emiko. – Bu menga yolg‘izlikni kamroq his qilishimga imkon beradi.

PaPeRo – sun’iy intellektga asoslangan nutqni aniqlash funksiyasi tufayli chaqaloq o‘lchamidagi robot keksa fuqarolarning suhbatlashishiga yordam beradi. Shuningdek, bu ularga SMS yoki fotosuratlar almashish orqali yaqinlaringiz bilan aloqada bo‘lishga imkon yaratadi. Fujiyeda aholisi pandemiya avjiga chiqqan davrda Yaponiyada birinchilardan bo‘lib ushbu sxemani sinovdan o‘tkazdi.

PaPeRo aqlli robotni Yaponiyaning NEC Corporation axborot texnologiyalari va elektronika kompaniyasi ishlab chiqarmoqda.

– Men PaPeRoni ishlab chiqara boshladim, chunki onam uzoqda yashar edi va men uni kuzatib borishni xohlar edim, – deydi PaPeRo dasturchisi va raqamli tarmoq ijrochi mutaxassisi Matsuda Tsuguxiro. – Yolg‘iz yashash achinarli, shuning uchun odamlar kimdir bilan gaplashishini xohlashadi.

 


Print   Email