Oʻzbekiston xalqaro islom akademiyasi Mumtoz sharq filologiyasi fakulteti 5210200-"Psixologiya (Din sotsiopsixologiyasi)" yoʻnalishi 2-kurs talabasi Aʼzamjonov Muhammadrizo Shuhrat oʻgʻlining avtohalokat oqibatida vafot etgani munosabati bilan oila aʼzolariga Akademiya jamoasi nomidan chuqur hamdardlik bildiramiz.
Alloh taolo o‘tganlarning oxiratini obod qilsin!
O‘zbekiston xalqaro islom akademiyasi jamoasi.
O‘zbekiston xalqaro islom akademiyasi jamoasi Toshkent islom instituti rektori Uyg‘un Gʻafurovning volidai muhtaramalari Dilbar hoji ona vafoti munosabati bilan chuqur ta’ziya izhor etadi. Yaratgan marhumning oxiratini obod qilib, yaqinlariga sabr ato etsin!
O‘zbekiston xalqaro islom akademiyasi jamoasi
O‘zbekiston xalqaro islom akademiyasi jamoasi butun umrini ilm-fanga baxshida qilgan taniqli olim, tarix fanlari doktori, professor Ubaydulla Uvatovning vafoti munosabati bilan chuqur ta’ziya izhor etadi.
Ona Vatanimiz tarix va uning dunyo tamadduniga munosib hissa qo‘shgan ulug‘ allomalari ma’naviy merosini tadqiq etib, manbashunoslik fanlari rivojiga ulkan hissa qo‘shgan olim, ajdodlarimiz merosini keng targ‘ib etish, yosh avlodni barkamol voyaga yetkazish yo‘lida samarali faoliyat ko‘rsatib keldi.
Ubaydulla Uvatov yurtimiz allomalari ilmiy-ma’naviy merosini o‘rganish va jamoatchilikka yetkazishga qaratilgan 200dan ortiq maqola, 50ga yaqin kitob va risolalar nashr ettirgan va ko‘plab shogirdlar tayyorlagan.
Olimning xizmatlari hukumatimiz tomonidan munosib qadrlanib, “Mehnat shuhrati” ordeni va “O‘zbekiston Respublikasida xizmat ko‘rsatgan yoshlar murabbiysi” faxriy unvoni bilan taqdirlangan. Joriy yilning 22-fevralida esa O‘zbekiston Respublikasi Prezidenti Shavkat Mirziyoyev tomonidan Imom Termiziy xalqaro ilmiy-tadqiqot markazi direktori Ubaydulla Murodovich Uvatovni “Fidokorona xizmatlari uchun” ordeni bilan mukofotlash to‘g‘risidagi Farmoni qabul qilingani tantanali e’lon qilindi.
O‘zbekiston xalqaro islom akademiyasi jamoasi “Islomshunoslik va islom sivilizatsiyasini o‘rganish — “ICESCO” kafedrasi dotsenti, tarix fanlari doktori Ilhomjon Bekmirzayevga padari buzrukvori Isroiljon Ota Bekmirzayevning vafoti munosabati bilan chuqur ta’ziya izhor etadi.
Yaratgan marhumning oxiratini obod qilib, yaqinlariga sabr ato etsin!
O‘zbekiston xalqaro islom akademiyasi jamoasi
Koʼp asrlik milliy va diniy qadriyatlarimizni asrab-avaylash, dunyo ilm-fani va madaniyati rivojiga ulkan hissa qoʼshgan ajdodlarimizning bebaho merosini oʼrganish, uning asosida yoshlarni komil inson etib tarbiyalash jamiyatda barqaror ijtimoiy-maʼnaviy muhitni taʼminlashning muhim shartlaridan biri hisoblanadi.
Манзил: Тошкент, Ўзбекистон, 100011
Абдулла Қ. №11
Ишонч телефони:
(71) 244-94-64
Девонхона: (71) 244-94-60
Қабул коммиссияси:
(71) 2449613
(71) 2445076
Бухгалтерия:
(71) 244-94-58
E-mail: info@iiau.uz
