O‘zbekiston Respublikasi Turizm va sport vazirligi, Xalqaro islom akademiyasi, Musulmonlar idorasi, O‘zbekiston oshpazlar uyushmasi vakillaridan iborat delegatsiyasi Rossiya Federatsiyasining Tatariston Respublikasiga tashrif buyurdi.

Marokash Qirolligining Rabot shahrida Islom olami ta’lim, fan va madaniyat masalalari tashkiloti ICESCO tashkilotining 41-sessiyasi bo‘lib o‘tdi.

Onlayn formatda o‘tkazilgan sessiyada O‘zbekiston xalqaro islom akademiyasining O‘quv ishlari bo‘yicha prorektori Ibrohim Usmonov hamda Xalqaro hamkorlik bo‘lim boshlig‘i Bahodir Xo‘jayev ishtirok etdi.

Abu Ali Ibn Sino, Abu Rayhon Beruniy, Imom Buxoriy, Imom Termiziy, Abu Mansur Moturidiy, Abu Muin Nasafiy kabi mamlakatimizdan yetishib chiqqan yuzlab allomalarning hayoti va boy ilmiy-ma’naviy merosiga qiziqish hamisha xalqaro jamoatchilik, xususan, dunyo olimlarining doimiy diqqat markazida bo‘lib kelgan. Shu munosabat bilan O‘zbekiston xalqaro islom akademiyasi huzuridagi Imom Moturidiy xalqaro ilmiy-tadqiqot markazida Malayziya Islom Ilmlari universiteti hamda Malayziya Islomni Anglash instituti mutaxassislari o‘rtasida onlayn konferensiya o‘tkazildi.

O‘zbekiston Respublikasi Turizm va sport vazirligi, Xalqaro islom akademiyasi, Musulmonlar idorasi, O‘zbekiston oshpazlar uyushmasi vakillaridan iborat delegatsiya Rossiya Federatsiyasining Tatariston Respublikasiga tashrif buyurdi.

O‘zbekiston xalqaro islom akademiyasi huzuridagi Imom Moturidiy xalqaro ilmiy-tadqiqot markazida Indoneziya Respublikasining O‘zbekistondagi elchixonasi vakillari bilan uchrashuv o‘tkazildi.

Uchrashuvda Indoneziya Respublikasining O‘zbekistondagi elchixonasi maslahatchisi, Protokol va Konsullik ishlari bo‘limi boshlig‘i – Ika Yuniar Vulandari xonim, Indoneziya Respublikasining O‘zbekistondagi elchixonasi ikkinchi kotibi, Ijtimoiy-madaniyat bo‘limi boshlig‘i - Rahendro Vitomo hamda elchixona xodimi - Maqsud Xoshimov, Imom Moturidiy xalqaro ilmiy-tadqiqot markazi direktori Davron Maxsudov, markaz xalqaro bo‘lim boshlig‘i Javoxir Sobirov va Jamoliddin Karimov ishtirok etdi.

O‘zbekiston Respublikasi va Latviya davlati o‘rtasida ta’lim sohasida hamkorlik aloqalari mustahkamlanmoqda.

Xususan, Latviya davlati Fan va ta’lim vazirligi 2021/2022 o‘quv yilida O‘zbekiston oliy ta’lim muassasalari ilmiy xodimlari, o‘qituvchi va talabalari uchun stipendiya va grantlar ajratganini e’lon qildi.

Nomzodlar taqdim etgan hujjatlari natijalari asosida tanlab olinadi. Tanlovda ishtirok etish istagida bo‘lganlar arizalarini 2021-yil 1-aprelga qadar on-line tarzda taqdim etishlari kerak. Belgilangan hujjatlar ingliz yoki latish tillariga notarial tasdiqlangan tarjimasi ilova qilingan holda yuborilishi talab etiladi.

Avval xabar berganimizdek, Marokash Qirolligida Islom olami ta’lim, fan va madaniyat masalalari tashkiloti ICESCO tashkilotining 41-sessiyasi bugun ham o‘z ishini davom ettirdi.

Nufuzli tadbirda O‘zbekiston xalqaro islom akademiyasining O‘quv ishlari bo‘yicha prorektori Ibrohim Usmonov hamda Xalqaro hamkorlik bo‘lim boshlig‘i Bahodir Xo‘jayev ishtirok etishdi.

O‘zbekiston xalqaro islom akademiyasi, Imom Moturidiy xalqaro ilmiy-tadqiqot markazi hamda Germaniyaning Myunster universiteti qoshidagi Islomshunoslik markazi vakillari o‘rtasida muloqot o‘tkazildi.

Onlayn shaklda tashkil etilgan tadbirda o‘zbekistonlik va germaniyalik islomshunos olimlar 2018-yilda o‘rnatilgan hamkorlik aloqalarining rivojlanish jarayonini tahlil qilgan holda, avval kelishilgan loyihalarning istiqbolini muhokama qildi, kelajakda o‘zaro manfaatli hamkorlikning yangi yo‘nalishlarini belgilab olish yuzasidan fikr almashdi.

O‘zbekiston qadimdan ilm-u ma’rifat markazi, madaniyat o‘chog‘i bo‘lib kelgan. Shu bois, yurtimizdan yetishib chiqqan allomalarning ilmiy-ma’naviy merosi bugungi kunda ham o‘z ahamiyatini yo‘qotmagan. O‘rta asrlarda yashab ijod qilgan Sharq allomalari va mutafakkirlarining ilmiy-ma’naviy merosi, jahon ilm-fani, sivilizatsiya rivojiga qo‘shgan bebaho hissasi dunyo olimlari hamda jahon hamjamiyati tomonidan hamisha yuksak e’tirof etiladi.

Shu ma’noda, davlatimiz rahbari tashabbusi bilan tashkil etilgan O‘zbekistondagi Islom sivilizatsiyasi markazi, Imom Buxoriy, Imom Termiziy, Imom Moturidiy nomidagi xalqaro ilmiy-tadqiqot markazlari taraqqiyotning yangi bosqichiga intilayotgan xalqimizning ma’naviy-ma’rifiy barkamolligini namoyon qilishi bilan bir qatorda, Uchinchi Renessans davri poydevori vazifasini bajaruvchi ilm-ma’rifat maskanlari bo‘lishi shubhasiz.