Xorijiy abituriyentlar qabuli suhbat asosida o‘tdi

Xorijiy abituriyentlar qabuli suhbat asosida o‘tdi

Bugun O‘zbekiston xalqaro islom akademiyasining bakalavriat hamda magistratura bosqichlariga o‘z tanlagan mutaxassislik yo‘nalishlari bo‘yicha o‘qish maqsadida onlayn ro‘yxatdan o‘tgan xorijiy abituriyentlar uchun suhbat o‘tkazildi.

Avval xabar berganimizdek, butun dunyoda bo‘lgani kabi COVID-19 pandemiyasi sharoitida abituriyentlarga qulaylik yaratish maqsadida qabul jarayonlari onlayn tarzda tashkil etildi. E’tiborlisi, O‘zbekiston Respublikasi ta’lim muassasalariga o‘qishga qabul qilish bo‘yicha Davlat komissiyasi majlisining 2-sonli Bayoni qaroriga muvofiq, (https://bit.ly/3laYwlj) xorijlik fuqarolar Akademiyaga suhbat asosida talabalikka qabul qilinishi belgilangan edi(!).

Shu bois bugun akademiyada o‘qish istagini bildirib, belgilangan tartibda ro‘yxatdan o‘tgan 14 nafar xorijlik abituriyent bilan Maxsus komissiya a’zolari onlayn ravishda to‘g‘ridan-to‘g‘ri suhbat o‘tkazishdi.

Anglashuv memorandumi: yangi imkoniyatlar asosi

Anglashuv memorandumi: yangi imkoniyatlar asosi

Bugun O‘zbekiston xalqaro islom akademiyasi hamda Toshkent shahridagi Inha universiteti o‘rtasida Anglashuv memorandumi imzolandi.

O‘zbekiston Respublikasining “Ta’lim to‘g‘risida”gi Qonuni, Kadrlar tayyorlash milliy dasturini hayotga tatbiq etish, uning samaradorligini oshirish maqsadida imzolangan ushbu memorandum ikki oliy ta’lim muassasasi o‘rtasidagi hamkorlik rivoji uchun muhim ahamiyatga ega bo‘ldi.

Pandemiya sharoitida xalqaro munosabatlar qanday rivojlanadi?

Pandemiya sharoitida xalqaro munosabatlar qanday rivojlanadi?

Global pandemiya sharoiti davlatlar o‘rtasidagi munosabatlar hamda siyosiy jarayonlarga ham sezilarli salbiy ta’sir ko‘rsatmoqda. Kelajakda bunday vaziyatlarga tayyor turish, bugungi jamiyat oldida turgan muhim masalalardan sanaladi.

Shu maqsadda O‘zbekiston xalqaro islom akademiyasida “Global pandemiya sharoitida xalqaro munosabatlar fanini o‘qitishning o‘ziga xos xususiyatlari” mavzusida ilmiy-amaliy onlayn seminar o‘tkazildi. Unda O‘zbekiston Respublikasi Oliy Majlisi Qonunchilik palatasi Xalqaro ishlar va parlamentlararo aloqalar qo‘mitasi a’zosi, siyosiy fanlar doktori Qodir Jo‘rayev, “Islom iqtisodiyoti va xalqaro munosabatlar” fakulteti dekani, dotsent Ashurali Abdurashidov, akademiya professor-o‘qituvchilari hamda talabalar ishtirok etdi.

Hindistonlik olim: “BMTda o‘zbek tilining yangrashi biz uchun ham faxrdir”

Hindistonlik olim: “BMTda o‘zbek tilining yangrashi biz uchun ham faxrdir”

Yangi O‘zbekiston — dunyo nigohida

“O‘zbekiston Respublikasi Prezidenti Shavkat Mirziyoyevning joriy yil 23 sentabr kuni Birlashgan Millatlar Tashkiloti Bosh Assambleyasining 75-sessiyasida yuqori darajadagi umumsiyosiy munozaralarda ishtirok etishi va mustaqil O‘zbekiston tarixida BMT minbaridan birinchi marta o‘zbek tilida nutq so‘zlashi qalbimizda faxr tuyg‘usini uyg‘otdi”, — deydi Jamiya Milliya Islomiya universiteti o‘zbek tili o‘qituvchisi, professor Shahid Taslim “Dunyo” AA muxbiriga bergan intervyusida.

Qozog‘istonning Pavlodar davlat universiteti tajribasi o‘rganildi

Qozog‘istonning Pavlodar davlat universiteti tajribasi o‘rganildi

O‘zbekiston xalqaro islom akademiyasi “Din psixologiyasi va pedagogika” hamda Qozog‘iston Pavlodar davlat universiteti “Psixologiya va pedagogika” kafedralari hamkorligida onlayn davra suhbati bo‘lib o‘tdi.

Akademiya talabalari va magistrlar diqqatiga!

Akademiya talabalari va magistrlar diqqatiga!

Islom olami fan, ta’lim va madaniyat masalalari bo‘yicha tashkiloti (ICESCO) mahalliy va xorijiy oliy o‘quv yurtlarida ta’lim olishni istagan yoshlar uchun stipendiyalar ajratilishini e’lon qildi. Nomzodlar har yili 1 iyundan 30 sentyabrga qadar o‘z hujjatlarini topshirishlari mumkin. 

Turkiyaning “Cumhuriyet” gazetasi: O‘zbekiston Prezidenti BMTda Alisher Navoiy tilida nutq so‘zlaydi

Turkiyaning “Cumhuriyet” gazetasi: O‘zbekiston Prezidenti BMTda Alisher Navoiy tilida nutq so‘zlaydi

Turkiyaning nufuzli “Cumhuriyet” gazetasi “O‘zbek tili BMTda: Shavkat Mirziyoyev rahbarligidagi O‘zbekiston yangi marralarga intilmoqda...” sarlavhasi ostida tahliliy maqola chop etdi.

Materialda Markaziy Osiyo markazida joylashgan O‘zbekistonning butun mintaqaning barqarorligini ta’minlashdagi muhim geostrategik roli ta’kidlangan. Mamlakat aholisini, asosan, o‘zbeklar tashkil qilishi, ular qo‘shni davlatlarda ham istiqomat qilishi bildirilgan. Shuningdek, O‘zbekistonning qo‘llab-quvvatlovisiz mintaqaning ba’zi davlatlarida tarqalgan ekstremizmning butun dunyoga yoyilib ketishiga qarshi kurashib bo‘lmasligi qayd etilgan.

Arab tilini oʻqitishda interfaol taʼlim texnologiyalari

Arab tilini oʻqitishda interfaol taʼlim texnologiyalari

Butun dunyoda boʻlgani kabi yurtimizda ham pandemiya holati davom etmoqda. Epidemiologik vaziyat koʻplab sohalar faoliyati va rivojiga toʻsiq qoʻymoqda. Ammo inson istiqboli uchun hech bir soha toʻxtab qolmasligi kerak. Jumladan, taʼlim tizimi ham davr taqozosidan kelib chiqib, oʻz rivojlanish yoʻlini topishi zarur. Bu oʻrinda onlayn davra suhbatlari, seminarlar muhim ahamiyat kasb etmoqda.

Shu maqsadda kuni kecha Oʻzbekiston xalqaro islom akademiyasida “Arab tili va adabiyoti al-Azhar” kafedrasi tashabbusi bilan “Arab tilini oʻqitishda “Interfaol taʼlim texnologiyalari” mavzusida xalqaro onlayn-seminar boʻlib oʻtdi. Unda Iordaniyalik professor Xolid Husayn Abu Amsha ham oʻz maʼruzasi bilan bevosita ishtirok etdi.

Payg‘ambar (alayhis-salom) yetuk axloq timsoli

Payg‘ambar (alayhis-salom) yetuk axloq timsoli

Bugun dunyoda kechayotgan globallashuv davrida xalqlarning ma’naviyati, madaniyati, adabiyoti, san’ati hattoki, imon-e’tiqodiga ham yovuz kuchlar tomonidan tajovuzlar bo‘lyaptiki, buni dunyoning turli nuqtalarida kunora sodir bo‘layotgan notinchliklardan ham ko‘rib turibmiz. Buning natijasida xalqlar o‘rtasidagi do‘stlik, yaqin qo‘shnichilik aloqalariga putur yetmoqda. Muqaddas islom dinimiz ezgu amallariga rioya etish, ajdodlar ilmiy-ma’naviy merosini o‘rganish, insonni kamolotga yetaklovchi muhim omillardan hisoblanadi.

Shu bois ajdodlarimiz ilmiy-ma’naviy merosini o‘rganish, muqaddas dinimiz musaffoligini himoya qilish yo‘lidagi kurash, musulmon odob-axloq qoidalarini, jumladan, moʻtadillik, kechirimlilik, hamjihatlik va o‘zaro tushunib yashashga intilishdek olijanob fazilatlarni qadrlash, uni jamoatchilikka yetkazish bugungi davr uchun muhim ahamiyatga ega.