Marketing bo‘limi

O‘zbekiston xalqaro islom akademiyasi “Marketing, buyurtmalar portfelini shakllantirish, bitiruvchilarni ishga taqsimlash va monitoring” bo‘limi

Bo‘lim O‘zbekiston Respublikasi Konstitutsiyasi, “Ta’lim to‘g‘risida”gi qonun, Kadrlar tayyorlash milliy dasturi, O‘zbekiston Respublikasi Prezidentining iqtisodiyot tarmoqlarini malakali kadrlar bilan ta’minlash borasidagi qaror va farmonlari, amaldagi Mehnat Kodeksi, qonunchilik hamda ta’lim sohasidagi tegishli me’yoriy-huquqiy hujjatlarga asoslanib ish ko‘radi.

Bo‘limning maqsadi

Reklama-axborotni ta’minlash, bitiruvchilarni ishga taqsimlash va joylashtirishni amalga oshirish hamda ta’lim xizmatlari ko‘rsatishga o‘z vaqtida tayyorgarlik ko‘rishni yangi bosqichga olib chiqishda tashkilotlar bilan korporativ hamkorlik shartnomalari tuzishni tashkil qilish hamda nazoratga olishdan iborat.

Bo‘limning vazifalari

Respublika iqtisodiyoti va ijtimoiy soha tarmoqlarida Akademiya bakalavriat yo‘nalishlari va magistratura mutaxassisliklari bo‘yicha kadrlarga bo‘lgan xizmatlar bozori kon’yukturasining o‘zgarishini tahlil qilish hamda yangicha rivojlanish yo‘nalishlarini belgilash. Bakalavriat yo‘nalishlari va magistratura mutaxassisliklari bo‘yicha bitiruvchilarga ishga taqsimlash.

Davlat grantlari va to‘lov-kontrakt bo‘yicha joriy va istiqbolli “buyurtmalar portfeli”ni shakllantirish. Akademiyaning bitiruvchilarini ishga taqsimlash bo‘yicha komissiya tashkil etish, bitiruvchilarni ishga taqsimlash rejalarini ishlab chiqish va yakuniy taqsimotni o‘tkazib, uning natijalari bo‘yicha bitiruvchilarni to‘liq ishga taqsimlashni qamrab olish.

Akademiya bakalavriat yo‘nalishlari va magistratura mutaxassisliklari bo‘yicha har bir bitiruvchining reytingi va malakaviy sifatlari to‘g‘risida tavsifnoma, bitiruvchilarning qaysi muassasa, tashkilot yoki korxonada ishlashini xohlashiga oid anketa so‘rovlari natijalari va ish beruvchilar (iste’molchilar)dan korxona yoki tashkilotdagi mavjud mehnat hamda maishiy-madaniy shart-sharoitlar, ish haqi miqdorlari haqidagi ma’lumotlar bazasini tayyorlash. Korporativ hamkorlik shartnomasi asosida ish beruvchi korxona va tashkilotlar bilan kadrlar tayyorlash, ularni ishga joylashtirish, hamkorlikka oid aloqalarni o‘rnatish.

Akademiyani o‘tgan yillar davomida ishga joylashgan yosh mutaxassislar bilan qayta va doimiy aloqalar o‘rnatish (Akademiya saytida alohida sahifa ochish orqali), zaruriy hollarda ularga amaliy-uslubiy yordamlar ko‘rsatish, maslahatlar berish hamda mehnat faoliyati natijalarini umumlashtirish. Xalqaro ko‘rgazmalar, yarmarkalarda talaba va bitiruvchilarning ishtirok etishini ta’minlash, Akademiya hokimyatlar, mehnat va aholini ijtimoiy himoya qilish boshqarmalari (bo‘linmalari), savdo-sanoat palatasi, agentliklar, mamlakatimizda faoliyat ko‘rsatayotgan xorijiy tashkilotlar, korxona va firmalarning ishonchli vakillari hamda korporativ hamkor tashkilotlar ishtirokida “Karyera kunlari” va mehnat yarmarkalarini tashkil etish.

 

Bo‘lim boshlig‘i: Turayeva Gulyuz Inomjonovna

Telefon: 71 244-94-59

Pochta: This email address is being protected from spambots. You need JavaScript enabled to view it.

 

 

Bo‘lim marketologi: Boynazarov Otabek Moyliyevich

Telefon: 71 244-94-59

Pochta: This email address is being protected from spambots. You need JavaScript enabled to view it.

 

 

Bo‘lim muhandisi: Salaxov Sirojiddin Nuriddin o‘g‘li

Telefon: 71 244-94-59

Pochta: sirojiddin.salaxov.1995@gmail.com


Print   Email