Миср Бош имоми – Шайх Аҳмад ат-Тоййиб

Миср Бош имоми – Шайх Аҳмад ат-Тоййиб

ПРЕСС-РЕЛИЗ

11 октябрь 2018 йил

 

Миср Бош имоми – Шайх Аҳмад ат-Тоййиб бошчилигидаги ал-Азҳар мажмуаси вакилларидан иборат нуфузли делегация юртимизга сафарини Ўзбекистон халқаро ислом академиясига ташриф билан бошлади.

 

Дунё халқларининг тинчлиги ва барқарорлигига масъул бўлган тузилма – Бирлашган миллатлар ташкилотининг 2017 йил 19 сентябрдаги 72-сессиясида Ўзбекистон Республикаси Президенти Шавкат Мирзиёев ислом, энг аввало, инсонпарварлик дини эканини таъкидлар экан, таълим олиш ҳуқуқининг таъминланиши, саводсизлик ва жаҳолатга барҳам беришни ўз олдига мақсад қилган “Маърифат ва диний бағрикенглик”, деб номланган махсус резолюцияни қабул қилиш таклифини илгари сурган эди.

Айни пайтда, ушбу таклиф жаҳон миқёсида кенг қўллаб-қуватланмоқда. Шу маънода, ислом олимларининг ўзаро бирлашиши, ҳамкорлик қилиши башарият учун ғоят муҳимдир. Республикамизда эса, бу борада амалий қадамларнинг ташланганига анча бўлди.

         Ўзбекистон ва Миср мамлакатлари узоқ йиллардан буён таълим соҳаси бўйича мустаҳкам асосларга эга бўлган ўзаро ҳамкорлик алоқаларини изчил тарзда ривожлантириб келмоқда. Мисрнинг фахри, ислом оламининг илмий марказларидан бири – бир минг икки юз эллик йилга яқин тарихга эга бўлган ал-Азҳар мажмуаси жаҳондаги ҳам диний, ҳам дунёвий йўналишлар борасидаги етакчи олий таълим муассасасидир.

Дунёга машҳур уламолардан бири, Миср Бош имоми – Шайх Аҳмад ат-Тоййиб фалсафа ва ислом ҳуқуқи бўйича кўплаб илмий ишлар, таржималар ва мақолалар муаллифидир.

Шайх Аҳмад ат-Тоййибнинг нафақат шаръий, балки дунёвий масалалар бўйича қарашлари ҳам катта аҳамиятга эга бўлиб, халқаро ҳамжамият у зотни хотин-қизлар ҳуқуқининг фаол ҳимоячиларидан бири сифатида тан олади.

         Ўзбекистон халқаро ислом академиясида бўлган мулоқот чоғида Шайх Аҳмад ат-Тоййибнинг ушбу хизматларига эҳтиром тариқасида академиянинг фахрий профессори унвони топширилди.

Бош имом раҳнамолигида Ўзбекистон ва Миср алоқаларини янада мустаҳкамлаш, икки халқни дўстона ришталар билан янада яқинлаштириш мақсадида Ўзбекистон халқаро ислом академияси ва ал-Азҳар университети ўртасида ҳамкорлик ва ҳамфикрликни ўзида мужассам этган Англашув Меморандумлари имзоланди.

         Томонлар таълим бериш учун ал-Азҳар университетининг педагог кадрларини жалб этиш, академия ўқитувчиларининг араб тили бўйича малакасини ошириш, тренинглар ва маҳорат дарслари ташкил этиш, Ислом дини доирасидаги муаммоларни давра суҳбатлари, семинарлар ва конференциялар кўринишида илмий жиҳатдан таҳлил қилиш ва бошқа масалалар бўйича келишиб олишди.

        

 

Ўзбекистон халқаро ислом академияси матбуот хизмати

Сайт: www.iiau.uzemailThis email address is being protected from spambots. You need JavaScript enabled to view it., Телефон: +99871 244-00-65

ХОРИЖЛИК АБИТУРИЕНТЛАР УЧУН ЎЗБЕКИСТОН ХАЛҚАРО ИСЛОМ АКАДЕМИЯСИГА ҚАБУЛ ДАВОМ ЭТМОҚДА (Пресс Релиз)

ХОРИЖЛИК АБИТУРИЕНТЛАР УЧУН ЎЗБЕКИСТОН ХАЛҚАРО ИСЛОМ АКАДЕМИЯСИГА ҚАБУЛ ДАВОМ ЭТМОҚДА (Пресс Релиз)

Ўзбекистон халқаро ислом академияси 2019-2020 ўқув йили учун чет эл фуқароларини бакалавриат, магистратура ва докторантурада ўқиш учун  қабул давом этмоқда.