Иқтидорли талабалар

Иқтидорли талабаларнинг илмий тадқиқот фаолиятини ташкил этиш сектори – академияда иқтидорли талабаларни аниқлаш, уларни илмий-тадқиқот ишларига жалб қилиш ва олиб борилаётган ишларни мувофиқлаштирувчи ташкилий марказдир. Сектор кафедралар ва деканатлар ёрдамида иқтидорли талабаларни аниқлайди ва танлайди, уларни ўзлари қизиққан фан соҳалари бўйича илмий-тадқиқот ишларига йўналтиради ва бунинг учун зарур шарт-шароитларни яратишда фаол иштирок этади. Сектор академия профессор-ўқитувчилари томонидан олиб борилаётган илғор илмий-тадқиқот ишларига иқтидорли талабаларни жалб қилади ва уларнинг тўла иштирокини таъминлайди.

Иқтидорли талабалар илмий-тадқиқот ишларининг мамлакатимиздаги бошқа илмий марказлар ва институтлар ҳамда хорижда олиб борилаётган илмий изланишлар билан алоқасини ўрнатади.

Иқтидорли талабаларнинг илмий тадқиқот фаолиятини ташкил этиш секторининг вазифалари қуйдагилар:

– иқтидорли талабаларни илмий ва касбий қизиқишларини эътиборга олган ҳолда аниқлаш, уларни мақсадли тайёрлашни ташкил этиш;

– иқтидорли талабаларнинг фаолиятини талабалар илмий жамияти фаолияти билан ҳамкорликда олиб боришни ташкил этиш;

– академия кенгаши билан ҳамкорликда танлаб олинган иқтидорли талабаларнинг интеллектуал салоҳиятини даврий равишда аниқлаб бориш;

– Республика ва ҳалқаро миқёсда ўтказиладиган илмий анжуманлар, фан олимпидалари, семинарлар, танловларда иқтидорли талабаларнинг иштирокини таъминлаш;

– Ўзбекистон Республикаси Давлат стипендиялари, “Ёшлар Иттифоқи” жамғармаси, хорижий фондлар грантларига, номдор стипендияларга тавсия қилиш;

– иқтидорли талабаларнинг илмий ишларини ва ишланмаларини чоп этишда ҳамда амалиётга жорий этишга яқиндан ёрдам кўрсатади.

 

 

АБДУҒАНИЕВА ДИЁРА АБДУРАШИД ҚИЗИ

(2019-2020 ўқув йили учун “Ислом Каримов” номли Давлат стипендияси совриндори)

Абдуғаниева Диёра Абдурашид қизи 2017 йил Тошкент ислом университетининг Психология (Дин социопсихологияси) йўналиши 1-босқичига қабул қилинди. Абдуғаниева Диёра 2 йил давомида ўзининг фанларга бўлган қизиқиши, илмга чанқоқлиги билан бошқалардан ажралиб туришини кўрсата олган.

Ҳозирги кунга қадар 4 та конференция ва 2 та семинарларда илмий маърузалари билан қатнашиб келган. У ўз вазифасига ва жамоат ишларига жиддийлик ва фидоийлик билан ёндашадиган, итоаткор ва билимдон талаба.

 

 


 

СОДИҚОВА ФОТИМАХОН МАХМУД ҚИЗИ

(2019-2020 ўқув йили учун Имом ал-Бухорий” номли Давлат стипендия совриндори)

Содиқова Фотимахон Махмуд қизи 1999 йил 22 сентябрь куни Андижон вилояти Қўрғонтепа туманида туғилган. Ҳозирда Ўзбекистон халқаро ислом академияси Исломшунослик факультети “Ислом тарихи ва манбашунослиги” (ўзбек) йўналиши III босқич талабаси.

Фотима Содиқова ўзининг аъло баҳоларга ўқиши, намунали хулқи, факультети ижтимоий ҳаётида фаол иштирок этиши, илмга чанқоқлиги билан барчанинг ҳурматига сазовор бўлган.

Шу билан бир қаторда у Академия қошида ташкил этилган “Зиё” медиа маркази кўрсатувларида иштирок этиб, ушбу кўрсатувнинг бир неча сонида сухандон сифатида қатнашиб келмоқда.

  


 

СОБИРОВА ШАҲЛО МАХМУДЖОН ҚИЗИ

(2019-2020 ўқув йили учун Имом ал-Бухорий” номли Давлат стипендиясига тавсия этилган)

Собирова Шаҳло Маҳмуджон қизи 1999 йил 18 май куни Андижон вилояти Андижон шаҳрида туғилган. Ҳозирда Ўзбекистон халқаро ислом академияси Исломшунослик факультети “Ислом тарихи ва манбашунослиги” (рус) йўналиши III босқич талабаси.

Собирова Шаҳло ўзига берилган вазифаларга масъулият билан ёндашади. Меҳнатсеварлиги, маънавий-маърифий ишлардаги фаоллиги билан устозлар ҳамда талабалар орасида ҳурмат қозонган. Академияда ташкил этиладиган тадбирларда фаол иштирок этади. Рус, ингилиз, араб, форс тилларида адабиётлар мутолаа қилади.

 


Print   Email